Ta lang phone ni a lam ga shadawn tsun lang let, “nawku hpung hte mungdan hpe galai shai lam shabyin ya lu ai ning baw ni byin tai lu u ga, Madu Yesu hte galoi mung matut mahkai nga ga, myit masin battery hpe n gun jahpring nga ga” nga nna lai wa sai bat masum ya shani Chile mungdan ramma ni hpe Wa Sarabyin Francis tsun n gun jaw lai wa ai.

Chile mungdan a mare daju Santiago mare kaba na Our Lady of Carmel ngu ai chyoi pra ai Nu Maria nawku htingnu kaba n daw pa kaba hta Chile ramma ni hpe hkrum shaga ai shaloi lahta na zawn Wa Sarabyin Francis tsun lai wa ai rai nga ai.

Battery n gun htum wa yang internet matut mahkai lam ni mung nlu mat wa ai, nga nna ta lang phone ni a lam hte shing daw tsun let, “Madu Yesu hte matut mahkai lam di wa ai rai yang, anhte a makam masham hte myit mada da ai lam ni hten run mat wa ai, anhte a myit mang ai lam ni shut shai mat wa lu ai, dai kaw nna myit htum myit daw ai, sin dawn katawt ai lam ni byin pru nna anhte a masin salum ni ma-a mat wa chye ga ai, tinang galaw lu ai hpa nnga ai, kadai mung tinang hpe n lakawn la ai ngu nna galoi mung hkum myit nga mu, tinang gaw hpa mung akyu nrawng ai ngu ai myit hkam sha lam ni byin pru hkra galaw ai gaw nat tsadan she rai nga ai” ng anna Wa Sarabyin tsun lai wa ai.

Yawhan Baptista a sape ni Madu Yesu a hpang hkan nang mat wa ai ja chyum mungga mabyin hte la kap nna ramma ni hpe tsun ai hta gaw, “shanhte a masin salum na wan matut grung nga lu na matu Madu Yesu hte matut mahkai nga na hpe shanhte ra sharawng lai wa ma ai, shanhte a msin salum battery hpe gara hku n gun bai jahpring la lu mai na ngu ai hpe shanhte chye mayu lai wa mai, Madu Yesu hte matut mahkai lu main a passward hpe Yawhan a sape ni chye mayu lai wa ma ai, Madu Yesu gaw passward re, battery n gun bai jahpring la lu mai ai shara mung Madu Yesu raia nga ai” nga nna Wa Sarabyin Francis Chile ramma ni hpe n gun jaw mungga shag alai wa ai lam Vatican shiga dap kaw nna shana dat ma ai.      

Source: Vatican News       

More Articles ...

Matut Mahkai Ga

Facebook