Ta lang telephone kaw na shiga laika ni hpe anhte yu mada manu shadan hti nga ga ai zawn chyum laika hpe mung manu shadan ga nga nna lai wa sai laban shani San Peter pa kaba hta du hpawng nga ai shawa hpawng hpe tsun shaga ai mungga hta Wa Sarabyin Francis tsun dat nga ai.

Wa Sarabyin tsun ai hta, anhte a ta lang phone kaw na shiga laika ni hpe hti ai zawn ja chyum laika hta na Karai Kasang a mungga ni hpe mung lani mi hta hkring hkring hpaw hti ga ai rai yang kade kaja na, Karai Kasang hte grau ni htep wa lu shangun na hte, n kaja ai lam ni hpe dang manga kau lu na kaja dik ai lak nak rai nga ai Karai Kasanga mungga ja chyum laika hta rawng nga ai, ja chyum laika hte ta lang hpone ngu ai gaw tsun shadawn mai ai baw hpan gaw nrai nga ai, raitim mung myit yu mai ai lam rai nga mali ai. Karai Kasanga mungga hpe anhte a myit masin salum hta galoi mung gun da ga ai rai yang, kaning re ai a gung alau lam ni mung Kawa Karai Kasang hte anhte hpe jahka kau ya lu na n rai nga ai. Kaja ai magam lam hpe galaw gun hpai na matu mung anhte hpe hpa lam e mung shing dang kau lu na n rai nga ai. Dai re ai majaw chyum laika hte galoi mung hku hku hkau hkau nga ra ga ai, hti ga, sum ru yu ga, ta tut sak hkrung yu ga, lam magup hpe dang manga kau lu ai atsam kaba ai Karai Kasanga mungga chyum laika hta rawng nga ai, nga nna Wa Sarabyin hkaw tsun lai wa ai.

Palawng sum bu hta gun hkawm mai ai baw chyum laika kaji hpe mung tinang a hkum hte rau ding run gun hkawm na matu mung Wa Sarabyin hkristian ni hpe n gun jaw dat nga ai. Anhte tinang a ta lang phone hpe manu shadan lang ga ai zawn ja chyum laika hpe mung manu shadan ga ai rai yang, kaning she rai wa lu na, ngu ai lam hpe nmalap kau nga ga, nga nna Wa Sarabyin tsun shadum lai wa ai lam Vatican radaio kaw nna shana dat ma ai.

Source: Vatican Radio


Matut Mahkai Ga

Facebook