July shata a matu lak san akyu hpyi ga baw tsun sang lang da ai Wa Sarabyin Francis a sum la hkrung mungga hpe Vatican kaw nna ndau shapraw dat nga ai. Makam masham hte tsan gang mat wa nga ai anhte a hpu nau ni anhte a akyu hpyi garum ya ai a marang e hkristian makam masham a tsawm htap mai kaja ai lam ni hpe bai mu tam la mu ga akyu hpyi ya na lam gaw ndai July shata a matu Wa Sarabyin Francis a akyu hpyi ga baw rai nga ai.

Sum la hkrung hte tsun ndau dat ai Wa Sarabyin a mungga hta, “Anhte a kabu gara ai lam gaw, Madu Yesu a sadi dung ai tsawra myit, htum mat ngu ai nnga ai shi Madu a tsawra lam hta re ngu ai lam hpe anhte galoi nmalap kau nga ga, hkristian langai myit n pyaw lu ai, myit yawn nga ai ngu ai lachyum gaw madu yesu hte tsang gang nga ai ngu ai lachyum rai nga ai, dai zawn re ai hpu nau ni hpe anhte nmai kau da ga ai, anhte a n gup aga, sak se hkam ai lam, grau nna anhte hta rawng nga ai hkristian kabu gara ai lam ni hte n gun jaw nna hkristian myit mada shara bai lu la hkra dai hpu nau ni hpe garum ya ra ga ai. makam masham hte tsang gang nga ai anhte a hpu nau ni a matu akyu hpyi garum ya ga. Anhte a akyu hpyi ga ni hte kabu gara ai shiga hpe sake hkam ai lam ni a marang e hkristian prat a tsawm htap mai kaja ai lam ni hpe shanhte bai mu ta la lu mu ga, nga nna Wa Sarabyin a sum la hkrung mungga hta tsun dat nga ai lam Vatican radio kaw nna shana dat ma ai.

Source: Vatican Radio


Matut Mahkai Ga

Facebook