Extremism ngu ai matu n chyun du ai myit masa hpe ning hkap malan ai lam hta mungdan kata shanu nga ai Hkristian hte Muslim ni yawng rau jawm tsap ga nga nna Philippines mungdan Manila saradaw kaba Cardinal Luis Antonio Tagle tsun dat nga ai.

Mungdan a dingda maga na Marawi ngu ai mare kaba langai mi hpe matu n chyun du ai muslim hpyen hpung ni kaw nna wang shing gyup zing da ai mabyin hte seng nna tsun hti dan lam galaw ai hta, “anhte hpa makam masham mi hkap la kam sham nga ga ai rai tim, jahten shaza lam chyu galaw mayu ai masha ni hpe ning hkap ai magam lam hta yawng rau shang lawm galaw ra na re” nga nna Cardinal Tagle tsun da tai rai nga ai.

Cardinal tsun ai hta, “Muslim hte hkristian ni a lapran myit ga garan hkra galaw mayu ai masha ni masing masa ni n awng dang lu nga ai, hkristian ni hte Muslim ni rau jawm shanu nna shada da pawn ba garum shing tau hkat nga ai hku nna mang hkang lam ni hpe yan hparan la lu nga ai, ndai zawn re ai gahkyin gum din lam anhte a lapran nga nga ai, ndai gaw anhte hpe myit mada shara jaw ya nga ai lam rai nga ai, anhte yawng gaw langai sha re ai shing gyim kun ding hku kata na rai ga ai ngu ai lam hpe shangang shaking ya ai lam rai nga ai. Simsa ai lam ngu ai hpe teng man ai, tara rap ra ai, tsawra ai lam ngu ai hte shag aw gap la lu mai nga ai. Ndai ahkyka ai ning pawt ni nnga ai rai yang simsa ai lam ngu ai mung nnga lu mai nga ai” nga nna Cardinla tsun daty nga ai.

Philippines mungdan a dingda maga na mare kaba langai rai nga ai Marawi ngu ai mare kata hta mungdan asuya a hpyen hpung hte Maute ngu ai jahten shaza adawt kasat lam galaw ai hpyen hpung ni a lapran laja lana gap kasat lam ni byin nga ai majaw majan tsin yam hkrum nga ai hkying lam hte ru ai mung chying sha ni hpe nawku hpung a garum ning tum uhpung uhpawng ni kaw nna malu masha sha hpa, shing byin shara hte tsi mawan ni lajang gagrum jaw ya ai rai nga ai, nga nna CBCP Philippines mungdan Kahtawlik saradaw uhpung shiga dap kaw nna shana dat ma ai.

Source: CBCP NEWS


Matut Mahkai Ga

Facebook