Manchester United gaw din uhpung hta gin sup lai wa yu ai Irish myu sha gaw din ning hkring Philip Mulryne lai wa sai bat, bat kyu sha shani jau aya hkam la nna ‘the Order of Preachers’ ngu ai Dominican jau langai tai wa sai rai nga ai.

Saradaw kaba Joseph Augustine Di Noia kaw nna July shata praw 8 ya shani Irland mungdan Dublin, Saint Saviour nawku htingnu hta jau aya hkan ya lai wa ai re nga ai.

“Gaw din gin sup ai lam hta goal langai lu la na matu kade shakut shaja n gun dat ra ai ngu ai lam hpe nang chye chyalu rai nga ai, ya na a matu goal gaw madu yesu rai nga ai” nga nna Jau aya hkam ya ai missa hkungga hta saradaw hkaw tsun lai wa ai nga nna Irish shiga dap hta ka da nga ai.

Video sum la hkrung shiaga dap langai hte lai wa sai aten hkrum shaga san htai galaw ai lam langai mi hta, shi a lam hte seng nna ya jau tai wa ai Philip Mulryne tsun ai hta, “chyoi pra san seng ai, madat mara ai, matsan mayan hkam la ai, ngu ai ga sadi 3 hkam la nna tinang a prat hpe ap nawng da ai Domican jau ni hpe mu nna yu n gun lu ai hte jau tai mayu ai myit rawng pru hpang wa ai re” nga nna tsun da nga ai.

Jau Philip Mulryne gaw 1997 ning hta dai shaloi mying dan hkung lai wa ai gaw din ning hkring David Beckham hte Manchester United gaw din hpung hta rau gin sup lai wa yu ai. 2008 ning hta gaw din gin sup ai kaw nna hkring sa mat wa ai. De a hpang shaning 2009 ning kaw nna Roma mare na Irish Pontifical College ngu ai dekkasu jawng hta hpaji matu sharin hkam la ai. 2012 ning hta Dominican jau tai dakkasu jawngma tai wa ai. 2016 ning Oct shata 30 ya shani, saradaw kaba Diarmuid Martin a lata kaw nna deacon aya hkam la lai wa ai hte ndai July praw 8 ya shani jau aya hkam la nna Dominican jau langai tai wa ai rai nga ai, nga nna EWTN shiga dap kaw nna shana dat ma ai.

Source: EWTNNEWS

 


Matut Mahkai Ga

Facebook