Papua Kahtawlik nawku hpung sasana bungli a matu htaw wa htaw sa galaw nga ai Associated Mission Aviation (AMA) nbungli uhpung kaw na nbungli kaji langai lai wa sai July shata praw 5 ya shani tsaw tsan ai bum ga shara ni de sasana arung arai ni htaw sa na matu nbungli pa kaw nna rawt wa ai hpang kade nna yang hkrat agrawp mat nna nbungli gau ai masha 2 hte hkan nang lawm ai hkrun lam hkawm masha 3 yawng marai 5 si hkrum lai wa ma ai rai nga ai. Darakma ngu ai tsaw tsan ai bum ga kahtawng na mare masha ni a matu arung arai ni htaw sa ya na matu rawt sa wa ai ten ya na zawn byin lai wa ai re nga ai.

Ndai AMA ngu ai htaw wa htaw sa nbungli ni gaw Papua saradaw a up reng ai npu na nawku hpung hte seng ai sasana nbungli ni rai nga ma ai hte, nawku hpung hte seng ai sasana magam lam ni, bai tsaw tsan ai bum ga mare kahtawng ni hkan hkye mawoi garum ning tum lam ni galaw ai lam hta asung jashawn lang nga ai nbungli ni rai nga ma ai. Ndai htaw wa htaw sa ubungli uhpung hta nbungli kaji 9 nga nga ai hte maw daw lam atsawm nnga ai bum ga hkan na mare masha ni hpe htaw wa htaw sa galaw ya nga ai mung rai nga ai.

Ya hkrat agrawp mat ai nbungli hta mahkrum madup grai law sai Pilot nbungli gau ai masha nan gau ai re majaw ganing re ai mang hkang a majaw hkrat agrawp mat ai ngu ai lam hpe atsawm nchye lu shi nga ai hte matut nna sawk sagawn ding yang naw rai nga ai, nga nna Papua saradaw tsun dat nga ai lam Ucan shiga dap kaw nna shana dat ma ai.

Source: UCANEWS


Matut Mahkai Ga

Facebook