Dingda America mungdan langai rai nga ai Colombia mungdan de sa du gawan na Wa Sarabyin Francis a hkrun lam laman, tara ai matu sak kau hkrum lai wa sai Clombia Saradaw Jesus Emilio Jaramillo Monsalve hte Jau Pedro Ramirez Ramos yan hpe alu ai masha dang da na re nga ai. September shata praw 8 ya, Villavicencio ngu ai mare shawa pa hta galaw na missa hkungga hta rai na re nga ai.

Ka ni nang hpam dut hpaga galaw lam ni grai dam lada ai masa byin pru nga ai Colombia mungdan hta sasana galaw nna nawku hpung atsawm sha da hpran tsap lu hkra galaw lai wa ai gaw saradaw Jaramillo a chyeju rai nga ai. Saradaw Jaramillo gaw 1989 ning hta sinat hpai ai masha uhpung mi a rim woi mat wa ai hpe hkrum lai wa ai, de a hpang shani Bogota mare a sin praw maga Kilometer 800 jan tsan ai shara hta, baw hta sinat hkang 4 hte rai saradaw si taw nga ai hpe mu ai.

Jau Pedro Ramirez Ramos gaw 1948 ning Colombia mungdan dinghku majan nnan byin hpang wa ai aten sat kau hkrum lai wa ai. Shi a hpung masha ni hpe shakram da nna pru mat wa matu tsun ai hpe ning dang nga ai majaw hpyen hpung ni nawku jawng chying hka adum grawp nna shang bang wa ai hte, sinat laknak ni makoi zing da ai ngu mara shagun nna April shata 10 ya shani shi hpe sat kau lai wa ma ai rai nga ai.

Wa Sarabyin kaw nna ya du wa na September praw 6 ya kaw nna 11 ya du hkra Colombia mungdan de sa du gawn na lajang nga ai rai nga ai hte Wa Sarabyin sa du gawn na Colombia mare 4 hta Jau Pedro Ramirez Ramos sganu lai wa ai Bogota mung lawm nga ai, nga nna Vatican radio kaw nna shana dat ma ai.

Source: Vatican Radio


Matut Mahkai Ga

Facebook